0 [ Спасылка ]

Я ў гэтым годзе прагаласавала на двух участках - у Гомелі і ў Мінску. І ні на адным не паказвала пашпарт.

0 [ Спасылка ]

Хачу працаваць! Дакладней, працаваць не хачу, але грошы патрэбныя. Можа, вы ведаеце, якія бываюць некваліфікаваныя працы, каб на іх працаваць было небрыдка? Ціпа заробак маленькі, затое для душы...

0 [ Спасылка ]

Мой шлюб асацыюецца ў мяне з такім плывушшым па хвалях вусенем.
Віншаваць зусім не трэба, ухваляюцца толькі каменты вусеня.

0 [ Спасылка ]

Апошнія некалікі дзён я штораніцы у адзін і той жа час стаю на прыпынку на скрыжаванні Веры Харужай і.. яшчэ чагосьці, каля "Матрункі", а разам са мной стаяць тата і сын, гады паўтара, у вазочку і з портфелем у руках. Я заўсёды з'яжджала раней за іх і вельмі мне было цікава, куды яны з такім малым штодзень ездзяць. А сёння тата сказаў:
- Глядзі, наш аўтобусік едзе. - дастаў дзіцёнка з вазочка і пайшоў да дарогі, а вазок так і застаўся стаяць. Тут я зусім зацікавілася, як гэта яны сабраліся без вазочка кудысьці ехаць. І вось пад'ехала жоўценькая маршрутка з надпісам "Школьный", у ёй двое хлопчыкаў гадоў пяці, і цётачка. Цётачка выйшла з аўтобуса, узяла хлопчыка з портфелем, вельмі шчаслівага, і яны з'ехалі. А тата застаўся, таксама шчаслівы і пакаціў вазочак дадому.
Тут я канчаткова зацікавілася, што ўсё гэта значыць, і пабегла ў вас пытацца.

Праўда, доўга падумаўшы, прыдумала, што гэта прыватны дзіцячы садок сваіх выхаванцаў так збірае.

0 [ Спасылка ]

Я паглядзела песню Юры Семяновіча - кандыдата на дзіцячае Еўрабачанне.
Я так зразумела, ён фанат Гары Потэра, мае знаёмыя фанаты таксама любяць лацінскімі словамі кідацца са страшным выразам твару.
Я ў шоку.

0 [ Спасылка ]

Вы пілі калі-небудзь жэньшэнь? Ці елі... Я сёньня а 14 гадзіне выпіла паўчайнай лыжкі і цяпер заснуць не магу. Добра, што ў мяне на такі выпадак ёсьць пустырнік.
А можа, гэта плацэба? Ён у мяне вельмі добра развіты - вып'ю таблетачку, і так добра-добра становіцца, потым пагляджу інструкцыю - а эфект толькі праз тры месяцы.

0 [ Спасылка ]

Цікава вучыцца - гэта калі ранкам выпадкова адкрыў падручнік на адвольнай старонцы і так зачытаўся, што ледзь на заняткі не спазьніўся.

0 [ Спасылка ]

У часопісе "Малышок" цікавыя артыкулы пра сумесны сон,
прышчэпкі (калі пра шкоду прышчэпак кажа чалавек з мэдычнай адукацыяй, я вельмі пранікаюся),
Івана Айплатава (ох, як я люблю чытаць пра шматдзетных знакамітасьцяў, як у іх усё добра і правільна! ),
гатоўнасьць да школы
і ўсялякія розныя алергіі з пласкастопіямі.
Яшчэ туды пішуць мае выкладчыкі, якіх я вельмі паважаю. Карацей, для мяне самы чытабельны мамскі часопіс.
Гэта я ўсё да таго, што мяне зноў пацягнула на мамскія часопісы і выбіраньне імёнаў, а вучыцца яшчэ доўга.

0 [ Спасылка ]

[  Цяпер: Слухаю БГ ]

Мне спадабаўся поўны збор "Хронік Нарніі" па-польску за 12 тысячаў.
І не спадабалася, што ўсе мае падручнікі каштуюць ад 40 да 110...

0 [ Спасылка ]

Стаю на прыпынку, чакаю аўтобуса, і тут убачыла, што каля помніка Багдановічу натоўп. Пайшла паўдзельнічаць.
Стаяць школьнікі, за імі сур'ёзныя дзядзькі, яшчэ далей - несур'ёзныя дзядзькі. Школьнікі слухаюць тых, хто па чарзе ім лекцыю чытае, астатнія мерзнуць, нудзяцца, бо ім чутна толькі трактар, які працуе ў пяці метрах. І ніводнага знаёмага твару.
А тут аўтобус прыехаў, і я зьбегла.
Так і не зразумела, хто гэта быў і чым усё скончылася.