Халодныя стравы для сьпякотных летніх дзён.

[kropka]

Лета ў гэтым годзе выдалася на дзіва сьпякотным. аж да непрыемнасьці. У такое надвор'е асабліва ня хочацца не гатаваць ні есьці. Таму прапаную тут дзяліцца рэцэптамі страваў, якія вы гатуеце ў такую сьпёку. У нас апошнім часам на "ура" праходзіць бульбяная салата. Адвараная бульба (я бяру з раьліку 2 на кожнага едака), 4-5 невялікіх агуркоў, 2 адвараных яйкі, цыбуля, кроп, белы ёгурт (ці сьмятана). Усё акрамя цыбулі пакрышыць колцамі, цыбулю дробна пасекчы, выкласьці ў дастатковую па памерах міску, перамяшаць. У іншай місцы зьмяшаць белы ёгурт з сольлю і кропам (можна дадаць і часнык). Гатовай заліўкай заліць салату, перамяшаць і пакінуць 20 хвілінаў настаяцца. Можна есьці як самастойную страву, ці як гарнір да мясных і рыбных страваў.

[julker]

Кавун на сьняданак, квас з хлебам на абед і хрупкі на вячэру Але здаецца Вацак уціхую сабе яйкі смажыць з бульбаю.

[kropka]

julker, а ў вас там квас ёсьць ці самі гатуеце?

[julker]

самі згатавалі Смачны смачны!!!

[kropka]

julker, рэцэпт у студыю. Каліласка.

[julker]

1. Бярэцца бохан чорнага хлебу і сушыцца
2. Кіпень разводзіцца з цукрам на смак у вялікім рондлі, дадаецца хлеб.
3. Сумесь стыне да пакаёвае тэмпературы.
4. Загадзя ўзьведзеныя дрожжы заліваюцца ў рондаль.
5. Рондаль закрываецца і пакідаецца на два дні у пакаёвай тэмпературы.
6. Верхняя частка вадкасьці зьліваецца, асадак застаецца на дне.
7. Дадаюцца апараныя кіпнем разынкі.
8. Калі разынкі набіраюць вадкасьць, квас гатовы да спажываньня і захоўваньня ў халоднай тэмпературы.

Дадам што хлебу было ледзьве не палова рондалю. На дне рондалю (гэта калі ўжо з разынкамі) утвараецца такая сьветлая чача. Гэта дрожжы і мы іх на аладкі скарысталі.
Стадыі могуць розьніцца па часе ў залежнасьці ад тэмпературы ў пакоі. У нас сьпёка таму ўсё было хутка. І цукар мы дадавалі карычневы.

[hormashyki]

Мы варым халаднік. Здаецца была тэма такая тут. Але калі што паўтаруся, бо халаднік ведаю вараць па рознаму.

Я раблю так.
У рондаль наліваецца вада і закіпае. Пасля туды закідваецца ці шчаўе, ці бурак, ці бацвінне, у залежнасці які халаднік варыце. Вядома ўсе парэзанае. Халаднік варыцца хвілін 10-15 шчаўе, крыху болей бацвінне, і яшчэ болей бурак, гэта ўжо глядзіце па гатоўнасці. Далей ён павінен астыць і ў лядоўню ставіце. Падаецца халодным. Дадаецца парэзаныя вараныя яйкі, агурок, зялёная цыбуля, кроп. І смятана. Есці можна як толькі што з варанай бульбай, так і з халоднай бульбай. На худы канец можна і з хлебам.

Халаднік гэта лепшая страва на спёку

[наталька]

Вось тут мне давалі рэцэпт акрошкі: http://zhzhok2.livejournal.com/311738.html Але ў мяне так рукі і не дайшлі...

[kropka]

Эх, усё ў квас ўпіраецца. А квас-у хлеб (няма ў нас чорнага хлеба). Прыдзіцца абыходзіцца халадніком ды салаткамі.

[julker]

kropka - у нас таксама трэ шукаць. Таму мы купілі нейкі з 4 відаў зерня. Ня вельмі ён быў і чорны. І мякі - мягкі. Нарэзаны адразу. Так што не баісь і паспрабуй. Да тагож мона на бярозавым соку з разынкамі, можна на малочнай юшцы.