Prastora.by: Акцыя да Дня нараджэньня Астрыд Ліндгрэн

[Kryscina]

14 лістапада – Дзень нараджэньня выбітнай швэдзкай пісьменьніцы Астрыд Ліндгрэн, знакамітай казачніцы, чые творы ведаюць і любяць у многіх краінах сьвету.

За сваё 95-гадовае, насычанае падзеямі і літаратурнымі творамі жыцьцё пісьменьніца атрымала безьліч узнагародаў і прэміяў – сярод якіх асобна можна адзначыць прэмію імя Ганса Хрысьціяна Андэрсэна (якую завуць "малой Нобэлеўскай"), прэмію імя Льюіса Кэрала, узнагароды ЮНЭСКА і Срэбнага Мядзьведзя (за фільм "Роні – дачка разбойніка"). У 1980-90-е гады Астрыд Ліндгрэн брала актыўны ўдзел у грамадзкім і палітычным жыцьці сваёй краіны, зрабіўшыся добраахвотнаю заступніцаю правоў дзяцей і жывёлаў.

Астрыд Ліндгрэн стала першаю жанчынаю, якой пры жыцьці быў ўзьведзены помнік – ён знаходзіцца ў цэнтры Стакгольму, і спадарыня Ліндгрэн прысутнічала на ўрачыстай цырымоніі яго адкрыцьця. İмём пісьменьніцы таксама названая адна з малых плянэтаў. Ня так даўно швэды назвалі сваю суайчыньніцу "жанчынаю стагодзьдзя", і неўзабаве ў гэтай краіне быў адкрыты першы музэй Астрыд Ліндгрэн.

Таму 14 лістапада можна назваць сапраўдным сьвятам для ўсіх, хто зь дзяцінства добра памятае казачны сьвет твораў Астрыд Ліндгрэн, хто цэніць і любіць творчую спадчыну слыннай пісьменьніцы.

У беларускай інтэрнэт-краме Prastora.by (http://prastora.by) таксама адзначаюць гэтую падзею. У продажы зьявіліся абедзьве кніжкі швэдзкай казачніцы, перакладзеныя на беларускую мову – "Піпі Доўгаяпанчоха" і "Малы і Карлсан-з-даху", а акурат да Дня нараджэньня пісьменьніцы прымеркаваная сьвяточная акцыя: той, хто набудзе абедзьве кнігі Астрыд Ліндгрэн па-беларуску, атрымае ў падарунак музычны кампакт-дыск зь беларускімі казкамі, песьнямі й калыханкамі. Акцыя трывае роўна тыдзень (14 – 21 лістапада) з Дня нараджэньня пісьменьніцы.

Прыемнага чытаньня і казачнага ўсім жыцьця!
İнтэрнэт-крама www.Prastora.by

[Hali]

Чытаньне сапраўды прыемнае, ужо маем абедзьве кнiгi. А дыск не

[наталька]

Вось сапраўды, амаль усе гэтыя кніжкі ўжо набылі, у акцыі і не паўдзельнічаеш...

[kVita]

для Наталькі і Hali:

Адмыслова для вас прыдумана наступнае вырашэньне: замоўце два любыя тавары з катэгорыі "Кнігі дзеткам" (http://prastora.by/spis/dzietkam/knihi-dzietkam) або "Аўдыёкнігі дзеткам" (http://prastora.by/spis/dzietkam/audyioknihi-dzietkam) і ў камэнтарах да замовы напішыце "для ўдзелу ў акцыі з нагоды народзінаў Астрыд Ліндгрэн" - і вы АТРЫМАЕЦЕ кампакт-дыск... спадзяюся, так будзе справядліва))

з павагаю,
Алесь Квіткевіч.
Інтэрнэт-крама www.Prastora.by
(па любых пытаньнях лістуйце сюды: beltonmedia@gmail.com)

[Hali]

Дзякуй за прапанову, спадзяюся можна выбраць 1 кнiгу i адну аудыёкнiгу

[Hali]

Не атрымлiваецца замовiць, захрасла на "разлiчыць кошт дастаукi"

[наталька]

У мяне атрымалася.

[kVita]

to hali:
1× Колас Якуб. Другое чытанне для дзяцей беларусаў
1× Беларускія народныя казкі. Чытае Віктар Манаеў

Гэта Вашая замова? Сапраўды, нам прыйшоў рапарт, што Вы тройчы спрабавалі аформіць замову, але да канца гэтага не зрабілі):..
На тым месцы, дзе Вы захрасьлі, трэба абраць зручны для Вас варыянт ("Атрымаць тавар поштаю" або "Самастойна забраць тавар з Prastora.by") і націснуць трохі ніжэй на кнопку "Пацьверджаньне замовы". Тады замова будзе цалкам аформленаю. З Вашага дазволу мы можам зьмяніць статус замовы на "У апрацоўцы" (што азначае, што яна аформленая і прынятая), дадаць да яе падарункавы дыск і даслаць на пазначаны адрас (кошт дасылкі ў такім разе складзе 2'300 руб). Ці Вам зручней самастойна забраць тавар па адрасе Першамайская, 18? Тады з Вас ня будуць узятыя гэтыя 2'300 Белпоштаю за паслугу дасылкі. Адкажыце, калі ласка, які варыянт для Вас зручнейшы?

to наталька:
Так, мы пабачылі):.. Найбліжэйшым часам дзьве замоўленыя Вамі кнігі і адзін ( і + яшчэ адзін у падарунак, то бок два) дыскі будуць Вам дастаўленыя. Спадзяемся, атрымаеце асалоду ад прачытаньня й праслухоўваньня!

to all:
Дзякуй усім, хто прыняў удзел у акцыі! З нашага боку адзначу, што й сапраўды бываюць такія выпадкі, калі прыемна рабіць падарункі!))

Неўзабаве на сайце будуць выкладзеныя новыя кнігі для дзяцей ад выдавецтваў "Мастацкая літаратура", "Беларусь" і "Літаратура і Мастацтва", таму - будзем радыя бачыць вас у нашай інтэрнэт-краме!

З павагаю, Алесь Квіткевіч.
Інтэрнэт-крама www.Prastora.by

[Hali]

Dzjakuj vjaliki, Ales

[kVita]

Калі ласка!

Карыстайцеся паслугамі www.Prastora.by