Дзіцячая ЯЛІНКА - 2009

[Kryscina]

Пачынаем падрыхтоўку. Прапановы, парады і любая іншая дапамога - вітаюцца!

[Kryscina]

На дадзены момант маю 2 рэальныя варыянты памяшкання:
ДК МАЗ (ст.м. Аўтазаводская), але там магчыма толькі 6 студзеня ў 16:00
і Дом культуры інвалідаў па зроку на Уральскай (1 прыпынак на трамваі ад ст.м. Трактарны завод альбо 5 прыпынкаў ад Плошчы Перамогі), час можна абіраць, але вызначыцца трэба да аўторка.
Вашыя меркаванні?

[hormashyki]

у такім выпадку лепш ДК Маз, бо там ці 1 прыпынак прайсці ці праехаць.

[Kryscina]

Ці сапраўды большасць прывязаная да метро? Бо калі асноўная маса паедзе машынамі альбо таксоўкамі, то Ўральская ўсё ж бліжэй да цэнтру. Ды і 6-е - гэта амаль праваслаўнае Раство, ці не з'яедуць усе да радні?

[Vola]

Kryscina, думаю, што раз'едуцца. Падаецца, што цікавей адзначаць якога 30. Калі магчыма на гэты час забраніраваць памяшкаццне.

ЗЫ Дзякуй, Kryscina.

[hormashyki]

Проста з метро заўсёды больш мабільны атрымліваешся, можаш у любы момант пад'ехаць ці наадварота сыйсьці. Не ва ўсіх ёсць машыны, Трэба каб людзі можа проста прагаласавалі. Хаця бы прыкінуць, як большасць наведвальнікаў форума думае. Адчыні ў гэтай тэме апытанне.

[наталька]

Нам лепш 6-га студзеня, бо мы пэўна зьедзем ...

[Palina007]

Лепей да НГ, як па мне.
Пра апытанку - добрая ідэя

[julcik]

Мне ўсёроўна, мы будзем на машыне і нікуды не з'едзем.

[Kryscina]

Давайце пакуль так: я пагляджу абодва памяшканні на прадмет таго, наколькі яны зручныя для нашых мэтаў. Тады вырашым. Адначасова прымаюцца і іншыя прапановы.
У прынцыпе, можна ізноў, як і летась, дамовіцца з памяшканнем пры касцёле ў Серабранцы. Яно проста цудоўнае, адзіны мінус - даезд для сем'яў без машын. З іншага боку - летась было шмат ахвотных дапамагчы з даездам.

[Kryscina]

Спадарства!
Прапаную абмеркаваць ідую, якая неаднаразова агучвалася многімі ў мінулыя гады: давайце пашырым удзел бацькоў і цэлых сем'яў у арганізацыі і правядзенні свята. З гэтай мэтай прапаную:
1. Усім (нават дарослым) прыходзіць на свята ў нейкім строі альбо хаця б масцы ці з нейкай цікавай дэталлю строя, праводзіць конкурсы строяў, абіраючы не толькі асобнага носьбіта, але і сямейны падыход да справы (напрыклад, нехта ўсёй сям'ёй пераўтворыцца ў Беласнежку і 7 гномаў, альбо ў піратаў ці рыцараў, коцікаў ці зайчыкаў). Для дзяцей з'явіцца цікавы конкурс - адгадаць, што гэта за персанаж, распавесці пра яго нешта.
2. Некаторыя сем'і, альбо асобна дзеці ці дарослыя маглі б падрыхтаваць выдатныя нумары (музычныя, танцавальныя, гульнёвыя). Памятаеце, як Наста і Юля пры дапамозе дзетак ладзілі карагоды? У многіх жа дзеткі займаюцца музыкай, танцамі, аэробікай. Многія бацькі самі з'яўляюцца спевакамі, літаратарамі альбо проста таленавітымі педагогамі, здольнымі зарганізаваць гульні, ці грамадскімі дзеячамі, здольнымі зарганізаваць што заўгодна .

Такім чынам, каб на свяце было больш удзельнікаў, чым гледачоў, прапаную падумаць, які ўнёсак маглі б зрабіць вы асабіста, альбо вашыя сябры (запрасіце іх, калі ласка!). Ужо на аснове гэтых прапановаў мы складзем сцэнар і дапоўнім яго неабходнымі песанажамі. Калі для ўвасаблення вашых ідэяў не будзе хапаць рэквізіту альбо спатрэбіцца дапамога іншых удзельнікаў (акампанемент, бэк-вакал, падцанцоўка і г.д.) - звяртайцеся, будзем шукаць.

Пакуль што арыентуемся на дату 26 снежня - часу зусім мала!

[LaVita]

26 сьнежня - выходны?

[adelka]

нам у прынцыпе ўсе роўна дзе і калі, а таксама ў межах магчымасьцяў можам аказаць тэхнічную дапамогу...

[taciana]

Праводзіць сьвята пажадана ў выходны дзень, бо ў будні не ўцяку з працы.
А над карнавальнымі строямі для сябе і Ружанкі ўжо думаю. Цудоўная ідэя!

[taciana]

Калі ёсьць патрэба, то магу запрасіць фатографа Андрэя, які рабіў здымкі Сьвята ў мінулым годзе.