Запрашаем у Івянец!

Kryscina

Запрашаем усіх у Івянец у чацвер, 9 ліпеня!

Вандроўка арыентаваная на бацькоў з цікаўнымі дзецьмі, якія любяць хадзіць у музеі.

Cустракаемся на першай запраўцы па ходу руху за кальцавой на гарадзенскай дарозе ў 13:00. Мы будзем на чорным мінівэне Хонда Шатл.

Для тых, хто паедзе не з Менску: сустрэча каля музея ў 14:00.

У праграме: наведванне музею, цэнтру народных рамёстваў, сядзібы з дзеючай кузняй і свіранам (дзе можна пабегаць дзецям і ўсім разам паесці), экскурсія па мястэчку.

Арыентуйцеся, што ўваходны квіток у кожны з аб’ектаў (музей, цэнтр, маёнтак) каштуе 1 тыс. для дарослых і 500 бел. руб. для дзіцяці. Плюс 20 тыс. з усіх за арэнду маёнтку.

Перавагі вандроўкі - яна будзе цікавай незалежна ад надвор'я. Калі будзе пагодна, зможам спыніцца дзе-небудзь на беразе Іслачы, даць дзецям пагуляць. Нейкую ежу варта прыхапіць з сабой, бо крамаў у мястэчку шмат, але іх асартымент захаплення ў нас не выклікаў.

Вяртанне ў Менск плануем недзе а 7-ай.

Далучайцеся як да вандроўкі, так і да абмеркавання плану!

(Дзякуй Мілаславу за дапамогу ў арганізацыі)