Навінкі ў кнігарнях

[Glossop]

          

julcik пісаў(-ла):

Кніжка на загадзя занудныя тэмы напісаная досыць цікава. На нашыя 4 гады падыйшла. Для старэйшага ўзросту, канешне, будзе залішне маралізатарскай.

Трэба спадзявацца, што яна не такая брыдкая, як "Містэр компі"

[julcik]

Glossop, зусім не брыдкая. Компі я не купляла - мне не раілі )

[Glossop]

А я ўжо хацела залезці ды ўбраць слова "брыдкая" . Думаю, а раптам гэты аўтар адзін з фарумчан. Я таксама компі не купляла для сваёй калекцыі, а потым, калі вырашыла дзіця вучыць беларускае мовы, купіла для засваення кампутарнай лексікі . Нават не падумала паглядзець, ці яна там наогул ёсць.

[Palina007]

Вольга Караткевіч.
"Жыве на свеце шчасце" : Казкі для дзяцей і дарослых.
Вось і кніжка выйшла Мн., "Адукацыя і выхаванне", 2010.
У "Акадэмкнізе" каштуе каля 13 тыс.
У кнізе ажно 30 казак. Што я хачу сказаць... Нават тым, каму спадабалася кружэлка з казкамі, я б не раіла чытаць больш за 2 казкі на ноч. Над імі варта паразважаць, нешта абмеркаваць з дзіцем. А можа, і проста памаўчаць. Напэўна, таму ў вялікай колькасці іх неяк лёгка становіцца ЗАШМАТ.
З прадмовы: "Чалавек нараджаецца на свет для таго, каб несці людзям святло, гадаваць дзяцей, не крыўдзіць звера, якога прыручыў, узвышацца над будзённасцю, шэрасцю, аднастайнасцю. Дапамогуць у гэтым і добрыя, чуллівыя, далікатныя персанажы Вольгі Караткевіч. Яна рупіцца аб тым, каб пабудаваць "Дом, дзе жывуць Казкі", і тады нават Кропля, што вісіць на тонкай сцяблінцы, прынясе радасць адкрыцця новага, адчуванне вечнасці існага".
Выданне вельмі прыгожа і пазітыўна аформлена (ілюстрацыі аўтарскія). Вялікі фармат, цвёрдая вокладка. Шрыфт зручны, не "цісне", месца на старонках досыць.

[Black aspid]

я з-за голасу высокага не змагла слухаць дыск яе, таму дыск валяецца, а малыя і не чулі

[Kryscina]

Выцемка:

З сённяшняга дня значна павялічыўся асартымет беларускамоўнай літаратуры ў галерэі "ПАДЗЕМКА"!!! Асабліва добры выбар кніг для дзяцей!

http://community.livejournal.com/suc_biel_lit/269067.html

[Palina007]

Новая кніга!
Яраш Малішэўскі, Аксана Спрынчан, "Незвычайная энцыклапедыя беларускіх народных інструментаў". Мінск, "Мастацкая літаратура", 2010.
Вось-вось будзе артыкул з анатацыяй, таму інфармацыю не дублюю. Хіба толькі дадам, што кніга адрасавана дзецям мал. і сяр. школьнага ўзросту, але 5-гадовай дачцэ добра пакаціла: чытаем штодня 1 - 2 артыкулы (ну як артыкулы... казкі з вершамі!), якія яна сама абірае. Файная кніжка, зроблена з густам. Аўтары - мае сябры, таму я не магу быць аб'ектыўнай Пішыце водгукі, хто бачыў/чытаў )

[Kryscina]

Palina007, У Акадэмкнізе будзе?

[Palina007]

Будзе! Кошт, праўда, не ведаю, нам падарылі

[Palina007]

http://dzietki.org/article/cms_view_article.php?aid=1943 - а вось і анатацыя з вокладкай.

[Tanya]

У "Акадэмкнізе" абяцаюць на наступным тыдні (ужо замовілі). А зараз там ёсьць "Прыгоды Чыпаліны" у цьвёрдай вокладцы з каляровымі малюнкамі. Дзякуем выдавецтву "Харвест"

[julcik]

Tanya, Ваў! Трэба набываць!

[Tanya]

21500

[julcik]

Вялізны дзякуй Tanya за наводку на Чыпаліну. Кніга цудоўная. Добрая папера, характарныя малюнкі, перклад з арыгінала, а не з рускай мовы. Вельмі пайшло!
Янка цэлы дзень просіць чытаць яму "гэтую чупаліну".

[Palina007]

Ого, трэба паглядзець.
А хто перакладчык Чыпаліны?