Праваслаўная культура -- у школах

[Alina]

http://telegraf.by/2010/07/z-1-verasnja-belaruskx-shkolax-uvodzcca-kurs-pravaslanaj-kul-turi.html

Пакуль уводзіцца факультатыўна. Але тэндэнцыя дрэнная.
Я так разумею, што факультатывы ў школах праводзяцца за грошы падаткаплатнікаў. Цікава, хто выкладаць будзе -- настаўнікі гісторыі/ЧіГ альбо прышлюць служыцеляў культу. У апошнім выпадку баюся шчэ большай русіфікацыі (не столькі моўнай, з гэтым і так поўная ж..., колькі культурнай).
Якія ў каго меркаванні?

[Black aspid]

факультатыў альбо школьны кампаент - па-першае, добраахвотна (я не збіраюся запісваць Мсціслава ні на адзін, хіба што ўнікальнае прапануюць)
Паводле інструкцыі, дзіця можа у пач.школе наведваць 2 факультатывы (быць афіц. запісанае не больш як на 2), а ўсяго іх 8 гадзін ( і вельмі проста, калі бацькам гэта не трэба, патрабаваць іншых прадметаў факультатыўна. А калі частка бацькоў хоча - тут ці варта ўмешвацца. Здаецца, 3 запісаных трэба, каб існаваў факультатыў. Каму танчыць, каму на гітары граць. Каму закон божы. Калі падаткаплацельшчыкі незадаволеныя - Кастрычніцкая плошча. А паглядзіце на плошчу і зразумееце, што падаткаплацельшчыкі ўсім задаволеныя.

[Black aspid]

калі выкладаць будуць настаўнікі - хвалявацца няма за што ўвогуле. Рэальна факультатыў - гэта проста форма прэміі настаўніка, на іх ніхто не шчыруе, дзеці туды як правіла не ходзяць, калі ў настаўнікаў нарады і педсаветы - само сабой, гэта адмяняецца ці адбываецца ў вельмі скарочаным варыянце і потым не адпрацоўваецца, то бок заняткі адбываюцца гады ў рады (бо дзеці не ходзяць, хіба прадленку туды заганяць проста), а грошы за 1 гадзіну на тыдзень - гэта 1/18 стаўкі (хто ведае тарыфную стаўку настаўніка - апублікуйце, палічым). Ад дзяцей на справе патрабуецца адно: ведаць, што яны запісаныя вось на гэты факультатыў, і на пытанне "хто ходзіць на гэтыя заняткі" не забыцца падняць руку.
Мараль: школа не зацікаўленая пускаць выкладаць папоў: настаўнікі халяўную дапнагрузку лепей паміжсобку падзеляць, так ці не? Поп, можа, грошы і не возьме (хоць у Царкве-та ў іх і заробкі, і адпачынкі - усё як у людзей), але ж КРУ не спіць, санстанцыя не спіць і шмат хто яшчэ не спіць, каб школа не расслаблялася, двойчы адну гадзіну не прадасі.
Будзе, можа, пару школ, дзе акапаюцца служыцелі, але пакуль Сонцападобны Колю ў семінарыю рыхтаваць не пачне - думаю, рэальнай пагрозы няма. А калі пару разоў на год кадзілам памахаюць - ад гэтага культура і не набудзе, і не страціць. Падзівяцца дзеці.

[Alina]

Black aspid,
школа не зацікаўленая. але, магчыма, зацікаўленая царква.
мне не падабаецца сам пасыл існавання такіх заняткаў.

[Black aspid]

попыт на рэлігійнае выхаванне задаволены прыцаркоўнымі заняткамі.
у адсутнасць попыту гэтая ініцыятыва заглохне вельмі хутка.
Як і на сяброўства ў піянерскай арганізацыі, як і на лячэнне зубоў у стаматолага, тут хутчэй за ўсё будзе патрабавацца дазвол бацькоў (бо краіна дастаткова поліканфесіянальная, а дзяржава дастаткова свецкая).
Гэта не стане пагрозай. Як нікому і нічому не пагражаюць піянеры. Зараз фактычна няма такіх важакоў - важатых, якія змаглі б уплываць на духоўнасць дзіцяці ў канструктыўны бок - толькі даць прыклад фармальнага стаўлення да такіх пачынанняў.

[Kryscina]

Black aspid, з агульным пасылам тваёй думкі згодная. Але мне не ўсё роўна, якая фігня будзе нараджацца і глохнуць на мае грошы. Я плачу вельмі шмат падаткаў, і сёе-тое ў гэтай краіне маю права рэгуляваць. І праваслаўе з піянерамі - смецце, якое не мусіць жыць побач з неспецыялізаванымі (праваслаўнымі ці піянерсікімі) навучальнымі ўстановамі.
Яшчэ Леў Талстой пісаў, што задача школы - даваць веды. Выхаванне - задача сям'і. І калі сям'я лічыць патрэбным выхоўваць пры дапамозе грамадска-палітычных ці рэлігійна-палітычных арганізацыяў - няхай гэта робяць, але па-за школай і на свае ўласныя грошы.

[Skarynka]

У нас у Ліцэі былі заняткі рэлігіі. Вёў праваслаўны сьвятар. Натуральна, па-беларуску. Хадзілі тыя, каму было цікава. У тым ліку і "паганцы", і каталікі.

І "асновы праваслаўнай культуры" можна зрабіць карыснымі. Пытаньне як выкладаюць і хто выкладае. Тое самае з прыродазнаўствам, ЧГДз і г.д.

[Саня]

Някепска, каб за грошы падаткаплацельшчыкаў прапанавалі факультатыў, які бы знаёміў з асноўнымі рэлігійнымі і нацыянальнымі традыцыямі, з якімі могуць сутыкнуцца дзеткі, каб яны пры выпадку не выглядалі з Месяца зваліўшыміся і недарэчнымі. Гэта пры саўку дастаткова было ведаць асноўныя маральныя нормы, а зараз, каб камунікаваць з людзьмі без залішніх непаразуменняў ды выпадковых крыўдаў, не зашкодзіць крыху азнаёміцца як з праваслаўнымі, так і з каталіцкімі, пратэстанцкімі, юдэйскімі, мусульманскімі ды інш. традыцыямі.

[Black aspid]

і назавем гэта "Сусветны этычны кодэкс", бо аблажацца можна хутчэй не на рэлігійнай глебе. У нас студэнта мусульманіна на гарэлку з салам не паклічаш - пакрыўдзіцца! Хоць, праўда, не ўсе.