* * *
Хто якія бачыць сны?
Сон пра кветкі – для вясны.
Тыгр мае сон драпежны,
А зіма – марозны, снежны.
Лета ягад сніць паляны.
Караблі сняць акіяны.
Сон-тэатр бачыць маска,
Сон дзіцячы – гэта казка!

* * *
Свет ва ўладзе цуда-сна.
Сніцца яблыні вясна:
Кветкі распускаюцца,
Пчолачкі злятаюцца.
Чуеце вясёлы гук?
Стрыбаўка ляціць на луг,
І зіхцяць на сонейку
Крылцы-парасонікі.
Дождж прайшоў –
На беразе
Вырасла вясёлка.
Птушкі ў небе сонечным
Заспявалі звонка.

* * *
Люлі-люлі, гулі,
Хопіць вам гуляць.
То вас не пакласці,
То вас не падняць.
Добры прыклад сонца
Дзеткам падае:
Ў час заўжды кладзецца
І раненька ўстае!

* * *
- Гулі-гулі, вы прыснулі?
Гулі-гулюшкі маўчаць.
Гулі спяць,
А на падушцы
Вочкі сінія блішчаць.
- Гулі-гулі, што вам сніцца?
- Што Міланачцы не спіцца?
Што дзяўчынка са сталіцы
Выдумляе, каб не спаць?

Пераклад Алесі Панцак

Адмыслова для Dzietki.org

Цэтлікі (тэгі)

Kryscina, 13.11.11 12:13
Рэд. Kryscina, 13.11.11 12:56

Адзнакі: 0.00/5.00 [0]

Няма каментараў да гэтага артыкула

Перайсці:

У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!