Вы яшчэ не сутыкнуліся з праблемай адсутнасьці прыгожых каляровых кніжак па-беларуску? Калі хочацца пацешыць дзіця якасным друкам - і мець пры гэтым магчымасьць менавіта чытаньня, а не падбіраньня, тэксту?
Прапаную таннае і нескладанае выйсьце - заляпіць чужы тэкст! Некаторыя карысныя парады з уласнае практыкі:

Знаходзім кніжку: пажадана на добрай шчыльнай паперы, найлепш - на кардоне. Такая кніжка й пражыве даўжэй (падзерці складана), і розьніца ў таўшчыні старонак на залепленых месцах будзе незаўважнай. Выбірайце кніжкі, у якіх тэкст не залазіць на малюнкі - інакш некаторымі давядзецца ахвяраваць.
Як залепліваць? Першы раз я карысталася ПВА. Трымае гэты клей выдатна, аднак недастаткова шчыльныя старонкі мокнуць і круцяцца. Другі раз паспрабавала клей-аловак. Наносіць яго значна прасьцей, выходзіць ахайней, аднак трымаецца горш - некаторыя месцы даводзілася падклейваць на наступны дзень (магчыма, далася ў знакі кепская якасьць гэтага канкрэтнага клея-алоўка). У Аліны ўгледзела яшчэ адну прыдумку - адмысловую паперу-налепку для друкаркі. Думаю, гэта найпрасьцейшы варыянт, хаця і даражэйшы.
Беларускі тэкст можна знайсьці на нашым сайце ў разьдзеле Кніжны куток, на Беларускай Палічцы і іншых сайтах, ці - перакласьці самім.
Фарматуем. Трэба адфарматаваць тэкст так, каб ён добра "клаўся" на іншамоўны. Гэта лёгка рабіць ва Ўордзе - ён адлюстроўвае дакумэнт у рэальным памеры: можна проста прыкладаць кніжку да манітора ды параўноўваць. Спачатку варта падабраць памер шрыфта, потым разьмеркаваць тэкст такім чынам, каб ён займаў месцы паміж малюнкамі.
Друкуем.
Выразаем і клеім. Вострыя куточкі лепей закругляць - менее рызыка, што дзіця зьдзярэ налепку. Калі папера кніжкі недастаткова шчыльная, трэба налепліваць, не расьцягваючы паперу (гэта асабліва істотна пры "мокрым" прыклейваньні) - інакш папера высахне, сядзе і старонка пакруціцца. Калі кніжка некардонная, то пасьля прыклейваньня варта пакласьці яе пад прэс (некалькі энцыкляпэдый) на некалькі дзён.

Жадаю посьпехаў!

Julcik

Глядзіце таксама

Каляровыя кніжкі для малечы: абмен напрацоўкамі

Цэтлікі (тэгі)

julcik, 30.11.06 15:46

Адзнакі: 5.00/5.00 [1]

Nadzeyka
Свой чалавек

Зарэгістраваны: 20.02.2007
Артыкулы: 0
каментары: 1
Адкуль: Менск, Серабранка

Дададзена: 28.06.08 17:13 Загаловак паведамлення:
А дзе можна набыць адмысловую паперу-налепку для друкаркі? Нешта ў кнігарнях каля дома не знайшла, у Гіппа таксама няма(( Ці я не тое шукаю..

Адзнакі: 0.00/5.00 [0]

julcik
Адміністратарка

Зарэгістраваны: 15.03.2006
Артыкулы: 599
каментары: 36

Дададзена: 5.09.08 11:30 Загаловак паведамлення:
Па-праўдзе не ведаю. Сама калісьці абшукалася, і ў выніку клеем клеіла.

Адзнакі: 0.00/5.00 [0]

Kryscina
Свой чалавек

Зарэгістраваны: 23.03.2006
Артыкулы: 301
каментары: 22
Адкуль: Miensk

Дададзена: 27.10.11 15:19 Загаловак паведамлення:
Такая папера прадаецца ў крамах офісных канцпрыладаў

Адзнакі: 0.00/5.00 [0]

Старонка 1 з 1.

Перайсці:

У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!