Самыя папулярныя старонкі

Флэш-мульт Курачка-Рабка (172792)
Беларускія імёны (170193)
Цудоўная вясёлка (152682)
Беларуская мова: гісторыя і сучаснасць (149149)
Каляды (каб хадзіць па хатах) (149010)
Размалёўка: домік (148021)
Як назваць дзіця? (146072)
Маляванкі для маленькіх: машынка (144301)
Тата, а ты папа? (140068)
Натуральны білінгвізм у дзетак (138947)

Пра нас

Гадаваць дзеці няпроста. Гадаваць дзеці па-беларуску ў Беларусі – складаней у разы. У цяперашняй рэчаіснасці гэткае натуральнае жаданне спаткае... Добра, калі – збянтэжаныя позіркі сведкаў такога дзіва, часцей жа за ўсё – суцэльны клубок забабонаў ды перашкодаў з боку “абычных нармальных благадзецяляў”: “Не порціце рабёнку жыызнь!”. Таму, шаноўныя мамы й таты беларускамоўных дзетак: калі дзесьці ёсць мы, і недзе ёсць вы – чаму б нам з вамі не згуртавацца адной вясёлай талакой ды не стварыць утульны свет для сябе й сваіх малых?
“Было б файна, але бракуе часу, няма зручнага месца”, – скажуць некаторыя. “Добрай пары сутак і запрашаем на http://www.dzietki.org”,– адказваем мы. На гэтай пляцоўцы можна збірацца ў любы прыдатны час, любой колькасьцю ды любым складам! Каб падзяліцца ўласным досведам – і запытаць парады, пахваліцца чарговымі дасягненнямі – і знайсці падтрымку ў часовай няўдачы, распавесці нешта значна-карыснае - і легкадумна памянташыць. Проста таму, што “часам трэба ведаць, што ты не адна такая ”. Менавіта гэткімі словамі адміністратарка Нашых Дзетак некалі распачала праект, разам з “групай ініцыятыўных матуляў”. Балазе, ініцыятыўныя таткі таксама не спалі ў шапку, ды й патэнцыйныя (пакуль што) бацькі далучыліся – атрымалася тое, што атрымалася! Такім чынам:

Нашыя Дзеткі – рэсурс, створаны ў дапамогу сем’ям, якія гадуюць дзеці па-беларуску. Расцем беларусамі!

Наш змест складаюць наступныя раздзелы:

Нашая адметнасць – сума трох складнікаў:

  • Беларускасць: мы прапануем выключна беларускамоўную, арыентаваную на мясцовага спажыўца інфармацыю. Аўтарска-рэдактарская каманда Нашых Дзетак піша, перакладае, адаптуе змест матэрыялаў да тутэйшых рэаліяў – менавіта для нас з вамі!
  • Сучаснасць: Нашыя Дзеткі – для актыўных і самастойных, любых і закаханых! Імкнемся давесці памылковасць стэрэятыпаў пра беларушчыну як пра састарэлую, вясковую, непрыдатную для цяперашняга паўсядзённага жыцця з'яву.
  • Рэальнасць: дзеці - не тамагочы, гадуюцца не ў кампутары! Спрыяем жывой камунікацыі сапраўдных сяброў: ладзім сумесныя гулянні і вандроўкі, святы і фатасэсіі, гурткі і школкі паскоранага развіцця.

Стваральнікі і ўдзельнікі:

Аўтаркі ідэі: Крысціна Вітушка, Юлія Малахоўская, Аліна Стэфановіч.
Адміністратарка сайта: Юлія Малахоўская (julciks@gmail.com).
Сувязі з грамадзкасцю: Крысьціна Вітушка (kryscina@np.by).
Шчыра дзякуем Вользе Sionnia – за дапамогу ў распрацоўцы і фармуляваньні канцэпцыі, Тацяне Matias, Вользе Pink_by, а таксама – іншым добрым людзям.
Дзякуем Камілцы, Глоту, Red_Winged_Duck'у і Rohach'y за карысныя кансультацыі і падтрымку.
Дзякуем Вячку за дапамогу ў распрацоўцы дызайну.
Дзякуем Алене Яшчанцы за фатасэсію і выдатныя здымкі для сайта.

Аўтары: Нашыя дзеткі - цалкам адкрыты праект. Дасылайце свае артыкулы на пошту julciks@gmail.com, а таксама не забывайцеся дадаць некалькі сказаў пра сябе. Гэтую інфармацыю мы будзем змяшчаць ТУТ. Альбо зарэгіструйцеся на форуме і дадавайце матэрыялы самастойна у галінку "Пішам самі".

Нашыя планы на будучыню:

  • назапашванне дзіцячых аўдыё-, відэа-, бібліятэкі. Стварэнне электроннае версіі кнігазбору Таварыства Беларускае Школы;
  • збор метадычных напрацовак. Стварэнне банка рэцэнзіяў на педагагічныя і дзіцячыя выданні;
  • пашырэнне даведкавае базы (установы адукацыі, радзільні, лякарні, адпачынак ды забавы, побытавыя паслугі);
  • наладжваньне майстар-клясаў па традыцыйных рамёствах;
  • гутаркі з вядомымі беларусамі пра іх бацькоўска-сямейны досвед;
  • клубоўня дыяспараў.

І яшчэ:

Нам бы не хацелася, каб сябры Нашых Дзетак падбіраліся выключна па моўнай прыкмеце. Шкада, але беларусы "з пялюшак" пакуль што рэдка сустракаюцца ў прыродзе. Многія з нас прыйшлі да беларускасці праз творы Караткевіча і песні "Мроі" ўжо дарослымі. Хтосьці не здолеў пазбавіцца моўнага комплексу – але ўсё ж прагне, каб яго дзеці гутарылі па-беларуску. Некаторыя, наадварот, размаўляюць самі – але пакуль не пераканалі сямейнікаў. Можам аддаваць малых у розныя садочкі і школкі, карыстацца рознымі правапісамі, вызнаваць розныя веры, жыць у Менску і Вільні, Празе і Чыкага – але сябруйма і шукайма адказы на пытанні разам!

З павагай,
адміністрацыя партала Нашыя дзеткі



Наш гузік

Калі вы хочаце дадаць на сваю старонку наш гузік, то выкарыстоўвайце наступны html код.

Гэта будзе выглядаць так:

Нашыя дзеткі

Кантакты

Пішыце нам на адрас dzietki@gmail.com.

У артыкулах захаваны правапіс аўтара. Тэксты выкладзеныя ў азнаямленчых мэтах. Калі знаходжанне пэўнага тэксту ў нашай бібліятэцы парушае Вашыя аўтарскія правы - калі ласка, паведамце пра гэта па адрасе dzietki@gmail.com і мы тэрмінова прыбяром тэкст з сайту.
© "Нашыя дзеткі", 2006-2010. Усе правы абароненыя. Выкарыстанне матэрыялаў у камерцыйных мэтах ЗАБАРОНЕНАЕ. Пры некамерцыйным выкарыстанні матэрыялаў спасылка на сайт "Нашыя дзеткі" абавязковая.
Па ўсіх пытаннях лістуйце нам!

Каталог TUT.BY Rating All.BY Internet Map